បន្ទប់សកម្មភាព
បន្ទប់សកម្មភាព បង្កើតឡើងនៅឆ្នាំ២០១៥សម្រាប់សិស្សអនុវិទ្យាល័យនិងវិទ្យាល័យ ក្នុងបំណងបង្កើនចំណេះដឹងបន្ថែមដោយបង្ហាញពីព្រឹត្តិការណ៍នានាដែលកើតមានឡើងនាសម័យខ្មែរក្រហម។ កម្មវិធីក្នុងបន្ទប់នេះ នឹងជួយជម្រុញឲ្យសិស្សមានលទ្ធភាពក្នុងការយល់ដឹងបន្ថែមលើខ្លឹមសារពិព័រណ៍ តាមរយៈការស្រាវជ្រាវ ឬការលេងល្បែងប្រាជ្ញាផ្សេងៗ។ សកម្មភាពខ្លះ តម្រូវឲ្យសិស្សសម្ភាសផ្ទាល់ជាមួយសមាជិកគ្រួសារដែលធ្លាប់ឆ្លងកាត់ការរស់នៅនាសម័យខ្មែរក្រហម។ សកម្មភាពនេះ ជាយន្តការមួយដែលជួយឲ្យយុវជនមានឱកាសក្នុងការប្រាស័យទាក់ទងជាមួយមនុស្សជំនាន់មុនដើម្បីយល់ដឹងពីប្រវត្តិសាស្ត្ររបស់ខ្លូន។ សាធារណជនដែលចង់ប្រើប្រាស់បន្ទប់នេះ សូមទាក់ទងមកសារមន្ទីរជាមុន ដើម្បីក្រុមការងារមានពេលវេលាគ្រប់គ្រាន់ក្នុងការរៀបចំកម្មវិធីជូន។
