សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ជាកន្លែងចងចាំពីព្រឹត្តិការណ៍នៃការសួរចម្លើយនិងឃុំឃាំងក្នុងមន្ទីរស‑២១នាសម័យខ្មែរក្រហម។ សារមន្ទីរនេះ បានរក្សាទុកនិងបង្ហាញភស្ដុតាងនៃព្រឹត្តិការណ៍សោកនាដកម្មក្នុងប្រវត្ដិសាស្រ្ដកម្ពុជាដើម្បីឲ្យសាធារណជនសិក្សាស្វែងយល់ក្នុងបំណងជម្រុញនិងលើកទឹកចិត្តឲ្យពួកគេក្លាយទៅជាអ្នកផ្សព្វផ្សាយសារសន្តិភាព។
សារមន្ទីរឧក្រិដ្ឋកម្មប្រល័យពូជសាសន៍ទួលស្លែង
ផ្លូវលេខ១១៣ សង្កាត់បឹងកេងកង៣ ខណ្ឌចំការមន រាជធានីភ្នំពេញ
ភ្ញៀវអាចចូលទស្សនារៀងរាល់ថ្ងៃ ចាប់ពីម៉ោង ៨:០០ ដល់ ៥:០០។
ខ្មែរ ឥតគិតថ្លៃ
បរទេស (អាយុពី ១០ឆ្នាំ ដល់ក្រោម ១៨ឆ្នាំ) ៣ដុល្លារ (អាយុពី ១៨ឆ្នាំឡើង) ៥ដុល្លារ
សំបុត្រចូលទស្សនាមានលក់តែនៅបញ្ជរលក់សំបុត្រក្នុងសារមន្ទីរតែប៉ុណ្ណោះ។
ការណែនាំចំពោះក្មេងដែលចូលទស្សនា
ក្មេងអាយុក្រោម១៤ឆ្នាំ ពុំគួរចូលទស្សនាបន្ទប់ពិព័រណ៍នៅជាន់ក្រោមនៃអគារនីមួយៗឡើយ។
ព័ត៌មានសម្រាប់ជនពិការ
ភ្ញៀវទេសចរដែលប្រើប្រាស់រទេះរុញ ពិបាកចូលទស្សនាពិព័រណ៍ផ្សេងៗនៅជាន់ទី១ និងទី២ ប៉ុន្តែអាចចូលមើលពិព័រណ៍នៅជាន់ផ្ទាល់ដីនៃអាគារទាំងបួន។
មគ្គុទេសក៍៖ សេវាតាមការបរិច្ចាគ
សេវាកម្មមគ្គុទេសក៍មាន៖ ភាសាខ្មែរ បារាំង និងអង់គ្លេស។
ខ្មែរ ១ដុល្លារ
បរទេស ៥ដុល្លារ
បច្ចុប្បន្នមានភាសា៖ ខ្មែរ អង់គ្លេស បារាំង អាល្លឺម៉ង់ ចិន វៀតណាម កូរ៉េ ជប៉ុន អេស្ប៉ាញ អ៊ីតាលី និងហូឡង់។
សារមន្ទីរអនុញ្ញាតឲ្យថតរូបសម្រាប់ការសិក្សាស្រាវជ្រាវ ឬប្រើប្រាស់ផ្ទាល់ខ្លួន ដោយមិនយកទៅធ្វើអាជីវកម្ម។ ក្នុងករណីថតរូបធ្វើអាជីវកម្ម ត្រូវមានការអនុញ្ញាតពីសារមន្ទីរនិងស្ថាប័នពាក់ព័ន្ធ។
ភ្ញៀវទេសចរត្រូវស្លៀកពាក់សមរម្យពេលចូលទស្សនាសារមន្ទីរ ព្រោះក្នុងវប្បធម៌ខ្មែរសាធារណជនដែលចូលទស្សនាបូជនីយដ្ឋាននៃការចងចាំនិងទីតាំងសាសនា ត្រូវស្លៀកពាក់ខោឬសំពត់ក្រោមក្បាលជង្គង់ និងអាវគ្របស្មា។
បទបញ្ជាសម្រាប់ភ្ញៀវចូលទស្សនាសារមន្ទីរឧក្រិដ្ឋកម្មប្រល័យពូជសាសន៍ទួលស្លែងសារមន្ទីរ មានបម្រាមទូទៅដូចខាងក្រោមនេះ៖
ភ្ញៀវទេសចរ ចូលទស្សនាក្នុងបរិវេណសារមន្ទីរ ចាំបាច់ត្រូវទទួលយកនូវប្រការនៃបទបញ្ញត្តិនានាដែលមានចែងក្នុងបម្រាមខាងលើ។ វិធានការណ៍ផ្នែកច្បាប់ នឹងត្រូវអនុវត្ដចំពោះបុគ្គលដែលមិនគោរពតាមបទបញ្ញតិ្ដនេះ។
បន្ទប់ផ្កាឈូក ស ស្ថិតនៅអគារ ឃ ជាន់ទី២។ បន្ទប់នេះមានការប្រគុំភ្លេងបុរាណនិងការស្មូតផ្ទាល់២ដងក្នុងមួយថ្ងៃ ដោយក្រុមតន្រ្ដីសិល្បៈខ្មែរអមតៈ។
ម៉ោង ១០:៣០ ដល់ ១១:០០
ម៉ោង ៣:១៥ ដល់ ៣:៤៥
សារមន្ទីរបញ្ចាំងវីដេអូឯកសារចំនួន២ដងក្នុងមួយថ្ងៃ គឺពេលព្រឹកម៉ោង ៩:៣០ ដល់ ១០:៣០ និងពេលរសៀលម៉ោង ៣:៤៥ ដល់ ៤:១៥។ បន្ទប់បញ្ចាំងកុនស្ថិតនៅអគារ ឃ ជាន់ទី២។ សូមទាក់ទងសារមន្ទីរចំពោះវីដេអូឯកសារដែលនឹងត្រូវបញ្ចាំង។
ទីតាំង បន្ទប់ប្រជុំ អគារ ង
ម៉ោង ២:៣០ ដល់ ៣:០០
