បន្ទប់ផ្កាឈូក ស
ផ្កាឈូក ជានិមិត្តសញ្ញានៃសន្ដិភាពក្នុងវប្បធម៌ខ្មែរ។ បន្ទប់ផ្កាឈូកបង្កើតឡើងកាលពីឆ្នាំ២០១៥ ជាកន្លែងសម្រាប់ភ្ញៀវសម្រាកដើម្បីធ្វើការពិចារណាទៅដល់សកម្មភាពនានាដែលកើតឡើងនៅទីនេះ ឬសម្រួលអារម្មណ៍ក្រោយពេលទស្សនាពិព័រណ៍នានាក្នុងសារមន្ទីរ។ ផ្កាឈូក ស ជាបន្ទប់ដែលមានផាសុខភាព ព្រោះមានបំពាក់ម៉ាស៊ីនត្រជាក់ កន្ទេល ខ្នើយអង្គុយ ទឹកបរិសុទ្ធ និងមានចាក់ភ្លេងបុរាណ។ លើសពីនោះ បន្ទប់នេះមានការប្រគុំភ្លេងបុរាណនិងការស្មូតផ្ទាល់២ដងក្នុងមួយថ្ងៃ ដោយក្រុមតន្រ្ដីសិល្បៈខ្មែរអមតៈ។
